ЗОШТО ДАСТА? ЗОШТО НЕФОРМАЛНО ОБРАЗОВАНИЕ?

Во Македонија формалното образование е неопходно, но му недостасува пракса. Оттука неформалното образование нуди практично искуство кое им недостасува на оние кои сакаат реално да загризат во филмот, дизајнот на ентериер и маркетингот. 
 
Нашата мисија е, со помош на квалитетно, неформално образование, да ве поддржиме и усмериме да се изградите во професионалец, со искуства стекнати  во пракса и да ви  помогнеме полесно да дојдете до посакуваната работа.
 
Нашите едногодишни едукативни програми за возрасни, нудат функционални знаења и hands on вештини, неопходни за вработување и отворање на сопствен бизнис (формат на: НВО, приватна профитна фирма, франшиза и др.).
 
Стекнатото знаење ќе го преточите во професионална пракса (портфолио и ЦВ) и ќе научите како да решавате конкретни проблеми и задачи во вашиот живот и професија.
 
Наставата ве подготвува за темелна и самостојна индивидуална и тимска работа, и на подготвеност за реализација на конкретни проекти.
 
Бидете отворени кон неформалното образование, учете и усвојувајте знаења, кои нашите реномирани професори ќе ги споделат директно со вас.
 
Со квалитетно неформално образование ќе го смените правецот на вашиот живот, градејќи свежа кариера со која ќе стекнувате нови успеси.
 
Неформалното образование значи признато и сертифицирано образование.
 
Неформалното образование овозможува во краток и добро интегриран временски период, во рамки на сеопфатна и квалитетна програма, да станете професионално подготвен филмски работник, дизајнер на ентериер и менаџер на занаетите на маркетингот.

Неформалното образование за возрасни е наменето за лица кои имаат потреба од нова кариера, или сакаат да се доквалификуваат во постоечката.
​
Неформалното образование е наменето за возрасни лица со или без искуство во доменот на филмот, дизајнот на ентериер и маркетинг.

Неформалното образование ги остварува вашите долго одложувани желби и потреби за креативно изразување и работа.

Неформалното образование ви овозможува да го  рестартирате  вашиот професионален идентитет кон филмот, дизајнот и маркетингот.

Неформалното образование ги остварува навидум невозможните интерсекции на искуствата на луѓето од правото, економијата, медицината, науката, географијата, туризмот, мануелните занати и другите професии, трансформирани во форматот на уметноста и занатот во филм, ентериер и маркетинг.

Како филмски режисер и сценарист ќе работите на филмски и телевизиски продукции. Можете да отворите своја продукција, или пак freelance да ја градите својата кариера. Преку едногодишната професионална програма ќе имате можност да оформите свое портволио и тоа со еден краткометражен игран филм, еден документаре, една реклама, еден музички спот, едно корпоративно видео.  Оттука натаму, сигурно ќе пливате во водите и филмската и тв продукција, која денеска се смета за една од најдоходовните индустрии.
​Воедно, со одлична идеа за сценарио ќе аплицирате за поддршка на развој на сценарио, за поддршка на дебитански краток или долгометражен (игран, документарен) филм, ќе изработувате фото-видео архиви за разни институции и др. комбинации возможни на видео-филмскиот пазар.    

Како дизајнер на ентериер врз база на веќе оформеното портфолио за време на обуката ќе станете конкурентен на пазарот преку својата нова професија.  Ќе ги користите придобивките на новата креативна дејност за која има побарување. Воедно, оваа професија се смета и за една од најдобро платените професии кај нас.

Како маркетинг менаџер ќе осмислувате и реализирате маркетинг промотивни пакети во сета нивна досетливост за успешна промоција и продажба на разни проекти, комерцијални и едукативни програми и производи.  Ќе имате можност врз база на знаењата и праксата стекнати на обуката да изградите успешна маркетинг стратегија за вашиот бизнис, или пак да се вклучите во меркетинг оделенијата на компаниите. Денеска маркетинг експерт е една од најбараните позиции, бидејќи зад секој успешен бренд, стои успешен маркетинг.

Благодарејќи на Интернетот, денес сите имате можност да ја интернационализирате вашата работа и кариера понатаму, доколку имате храброст да се отворите кон тој предизвик.
Неформалното образование ви нуди легитимно образование во економизиран временски период.

Верувајте во придобивките на неформалното образование!